2017  жылы «Ембімұнайгаз» АҚ өзінің 95-жылдығын атап өтті. Компания тарихының ресми санағы 1922  жылдан бері  – Доссор және Мақат кен орындарын игеруге арналған «Ембімұнай» трестінің құрылған сәтінен басталады. Ұзақ әрі даңқты тарих жылдары «Ембіде» геологиялық зерттеулер мен мұнай өндіру теориясы мен практикасында үлкен көлемдегі ақпарат, орасан зор тәжірибе жинақталды, дарынды қазақстандық мұнайшылар мен басшылардың жаңа буыны өсті.

«Ембімұнайгаз» АҚ бүгінде  – геологиялық барлау, мұнай-газ кен орындарын өңдеу, мұнай мен газды өндіру және әзірлеумен айналысатын, болашағы зор заманауи мұнай компаниясы. Алдымызда – ресурстық қорларды кеңейту бойынша үлкен жоспарлар, жаңа бағыттарды дамыту, терең ұңғымаларды бұрғылау және басқа да көптеген жобалар күтіп тұр, оларды біздің ынтымақты ұжымымыз бен кәсіби мамандарымыз сәтті жүзеге асыратындығына сенімдімін!

«Ембімұнайгаз» АҚ Басқарма төрағасы Ануар Жаксыбеков